Hi Papa San Pío V (17 Enero 1504 – 1 Mayo 1572), nga natawo ha ngaran nga Antonio Ghislieri (tikang han 1518 gintawag nga Michele Ghislieri , O.P. ), amo an nangulo han Singbahan Katoliko ngan naghadì han Estados Pontifisyos tikang 8 Enero 1566 tubtob han iya kamatayan han 1572. Ginveverenar hiya nga santo han Singbahan Katoliko Romano .[2] Kilalado hiya tungod han iya papel dida han Konsilyo han Trento , an Kontrareporma , ngan an pag-estandardisar han Romano nga rito ha sulod han Singbahan Latino . Gindeklara ni Pío V hi Tomás han Aquino nga Doktor han Singbahan [3] [4] ngan iya ginpatronisar an sikat nga kompositor hin sagrado nga musika nga hi Giovanni Pierluigi da Palestrina .
Komo kardinal, nagin-kilalado hi Ghislieri nga nagpanguna hin pagtuo ugsa hin mga katawohan, iya ginporseguir in walo nga mga Franses nga obispo hin pagka-erehe. Nagtindog gihapon hiya patok han nepotismo , ngan nagbusa hiya han nanguna ha iya nga Papa Pío IV ha iya atubangan han pagkaruyag hini nga himuon an iya 13-nga-pangidaron nga api han iya pamilya nga kardinal ngan pagsuporta hin umangkon tikang han panalapi han Papado.
Pinaagi han bula papal han 1570 nga Regnans in Excelsis , gin-excomulgar ni Pío V hi Elizabeth I han Inglaterra tungod hin pagka-erehe ngan pagporseguir hin mga Ingles nga Katoliko didâ han iya paghadá. Gin-areglo gihapon niya an pagtukod han Baraan nga Liga , usa nga alyansa hin mga Katoliko nga estado nga umato han pag-avansar han Imperyo Ottoman ha Sinirangan nga Europa. Bisan man kun nalabwan hirá hin duro hin kadamô han ira mga ginkakabangga, nagdaog an Baraan nga Liga patok han Imperyo Ottoman , nga naningkamot pagsakop han Europa, dida han Pag-awayan ha Lepanto . Ini nga pagdaog ginpasidunggan ni Pío V nga tikang han pag-ampo han Birhen Maria ngan gintikang an fiesta han Birhen han Pagdaog .[5]
Mga kasarigan
↑ "Bullarium Canonicorum regularium Rhenanæ congregationis sanctissimi ... - Canonici regolari di sant'Agostino : Congregazione del santissimo Salvatore - Google Books" . Google Books. Ginkuhà 17 Marso 2016 .
"R.P.D. Thomae Del Bene clerici regularis, ... De officio S. Inquisitionis ... - Google Books" . Google Books. Ginkuhà 17 Marso 2016 .
"Ps 118:5 VULGATE;DRA - utinam dirigantur viae meae ad - Bible Gateway" . Bible Gateway. Ginkuhà 17 Marso 2016 .
↑ Durant, Will and Ariel Durant, Age of Reason Begins , Vol.7, (Simon & Schuster, 1961), 238–239.
↑ Thomas Aquinas (1911). "The "Summa Theologica" of St. Thomas Aquinas" . 1 . New York .
↑ Handbook of Economics and Ethics . Northampton, Massachusetts and Cheltenham , United Kingdom : Edward Elgar Publishing . 2009-01-01. p. 8. ISBN 978-1-84542-936-2 . https://books.google.com/?id=YahcdBQ5nqQC&pg=PA8 .
↑ Aimé Georges Martimort, ed. The Church at Prayer: The Liturgy and Time . 4 . p. 145. ISBN 0-8146-1366-7 .
Mga sumpay ha gawas
Hadin syahan ngada han ika-4 nga mga gatostuig Hadin ika-5 ngada han ika-8 nga mga gatostuig Hadin ika-9 ngada han ika-12 nga mga gatostuig Hadin ika-13 ngada han ika-16 nga mga gatostuig Hadin ika-17 ngada han ika-20 nga mga gatostuig Hadin ika-21 nga gatostuig ngada yanâ