Ini nga barasahon nágámit hin mga pitsa ngan mga tuig nga sinurat ha Copta nga kalendaryo, nga nágámit han A.M. (Anno Martyrum) nga kalendaryo nga panahón, dúgang han Gregoriano nga kalendaryo, nga nágámit han A.D. nga kalendaryo nga panahón.
Hi Papa Teodoro II (puyde liwat Papa Tawadros II o Papa Theodoros II; Kinopta: Ⲡⲁⲡⲁ Ⲁⲃⲃⲁ Ⲑⲉⲟ́ⲇⲱⲣⲟⲥ ⲡⲓⲙⲁϩ ⲃ̅ [Papa Abba Theódōrōs II]; Inarabo: البابا تواضروس الثاني [al-Bābā Tawāḍurūs al-ṯhānī) nga natawo ha ngaran nga Waǧīh Ṣubḥī Bāqī Sulaymān (Kinopta: ⲟⲩⲁⲅⲓϩ ⲥⲟⲩⲃϩⲓ ⲃⲁⲕⲓ ⲥⲟⲗⲟⲙⲱⲛ, Inarabo:وجيه صبحى باقى سليمان) (natawo 4 Nobyembre 1952; 25 Paopi 1668) amo an ika-118 nga Copta nga Papa han Alehandriya ngan Patriarka han Sede ni San Marcos tikang han iya pagkuha han puwesto dida han 18 Nobyembre 2012 (9 Hathor 1729), mga usa ka kinsina katapos han iya kapili nga Papa.[5]
Sayo nga bahin han kinabuhi
Hi Papa Teodoro II natawo ha ngaran nga Waǧīh Ṣubḥī Bāqī Sulaymān (Kinopta: ⲟⲩⲁⲅⲓϩ ⲥⲟⲩⲃϩⲓ ⲃⲁⲕⲓ ⲥⲟⲗⲟⲙⲱⲛ, Inarabo: وجيه صبحى باقى سليمان) han 4 Nobyembre 1952 (25 Paopi 1668) ha syudad han Mansoura ha Ehipto.[3] Nag-aram hiya ha Unibersidad han Alexandria, nga diin nakagtapos hiya hin farmasya dida han 1975.[6] Katapos hin pira ka tuig hin pagdumara hin fabrika hin medisina nga gintatag-iyahan han gobyerno, inmapi hiya han Monasteryo ni San Pishoy ha Wadi Natrun basi mag-aram hiya hin teyolohiya hin duha ka tuig. Gin-ordenar hiya nga padi dida han 1989 (1705–1706).[1]
Obispo
Han 15 Hunyo 1997 (8 Paoni 1713), ginkonsagrar hiyá nga usa nga obispo ha kasahiran o obispo heneral han nanguna ha iya nga Papa, hi Shenouda III, upod han Griyego nga ngaran nga Theodoros, nga nangangahulogan nga Theodoros o Tawadros ha Kinopta o Teodoro ha Winaray, Inarabo nga kasurat: تاوضروس. Gintúgon ha iya an pagsirbe didâ han Eparkiya han Behira ha kanawayan nga Delta.[7]
Mga kasarigan
|
---|
syahan–ika-4 nga gatostuig | | |
---|
ika-–ika-9 nga gatostuig | |
---|
ika-10th–ika-14 nga gatostuig | |
---|
ika-15–ika-18 nga gatostuig | |
---|
ika-19-yanâ | |
---|