Hi Taylor Alison Swift (natawo 13 Disyembre 1989) in usa nga Amerikano nga singer-songwriter. Kinikilala hiya tungod han iya pagkanta, iya paiba-iba nga musika, pag-imbento ha arte, ngan impluwensya ha industriya han musika. Hiya in usa nga prominente nga kultural na artista han ika-21 nga siglo.
Nagtikang hi Swift hin propesyonal nga pagkanta han 14 hiya ngan umupod han Big Machine Records han 2005 basi magin usa nga paragkanta hin country. Nagsamwak hiya hin unom nga studio album ilarom han label, upat ha ira ha country radio, tikang ha iya 2006 nga album na parehas ha iya ngaran. An iya sunod nga album, Fearless (2008), kay country pop an tema, ngan an iya mga kanta nga "Love Story" ngan "You Belong with Me" ginbutang hiya ngadto ha mainstream nga kadungganan. Nagkaada hin mga impluwensya hin rock an Speak Now (2010) nga album, samtang an Red (2012) kay gumamit hin mga elemento nga elektronik ngan upod an siyahan nga kanta ni Swift nga "We Are Never Ever Getting Back Together" nga nakasiyahan ha Billboard Hot 100. Humirayo hiya tikang han iya imahe han country han 1989 (2014) nga usa nga album nga synth-pop nga gin-suportahan han mga kanta nga nakalabaw han mga chart nga "Shake It Off", "Blank Space", ngan "Bad Blood". An atensyon han media in nakahatag hin inspirasyon han hip-hop nga estilo han Reputation (2017) ngan an iya pinakasikat nga kanta nga "Look What You Made Me Do".
Nagpirma hi Swift ha Republic Records han 2018. Ginsamwak niya an pop album nga Lover (2019) ngan an dokumentaryo nga awtobiyograpiya nga Miss Americana (2020). Sumulod hiya han indie folk ngan alternative rock ha 2020 nga mga album niya nga Folklore ngan Evermore. Gingamit niya an mga estilo nga chill-out ha Midnights (2022, ngan nagpasamwak hiya hin upat nga mga album nga gin-utro pagrekord nga may subtitulo nga Taylor's Version katapos hin usa nga kontrobersiya han Big Machine. Tikang ha mga album an mga numero-uno nga mga kanta nga "Cruel Summer", "Cardigan", "Willow", "Anti-Hero", "All Too Well" ngan "Is It Over Now?". Han 2023, nagtikang hi Swift an iya tour nga The Eras Tour ngan nagpasamwak hin salida han iya konsyerto. Nagdirekta liwat hiya hin mga music video ngan mga salida sugad han All Too Well: The Short Film (2021).
Diskograpiya
Mga studio album
|
Mga album nga gin-utro pagrekord
|
Pilmograpiya
|
Mga dokyumentaryo ngan salida han konsyerto
|
Mga Tour
- Fearless Tour (2009-2010)
- Speak Now World Tour (2011-2012)
- The Red Tour (2013-2014)
- The 1989 World Tour (2015)
- Reputation Stadium Tour (2018)
- The Eras Tour (2023-2024)