Alania

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Reino d'Alania
Sieglo VI — Sieglo XIII →
Situación de Alania
Situación de Alania
Mapa aproximato d'Alania entre os sieglos X y XII
Capital Maghas
Idioma oficial
 • Atros idiomas 		una forma primerenca de l'oseta
circasián, luengas caucasicas orientals
Relichión Cristianismo, nominalment y superficial
Gubierno Monarquía
Periodo historico Edat Meya
 • Plegata d'os alanos Sieglo VIII u Sieglo IX
 • Invasión mongola d'o Caucas Sieglo XIII

Alania estió un reino medieval d'o Caucas, principalment en a versant norte d'alto u baixo en os territorios d'as actuals Osetia d'o Norte y Circasia, controlando o paso de Darial.

Fue un estato creyato por una branca d'o pueblo alano que dimpués d'a invasión d'os hunnos en o sieglo IV quedó aislata d'as atras u fue empentata enta o Caucas y duró dica a invasión mongola de 1238-1239.

Os alanos caucasians facioron liga en cualques periodos d'a suya historia con l'Imperio Bizantín, con os gazaros y con os cumans. Os primers paleologos feban servir a los alanos como fuent principal de mercenarios en tiempos d'os almogávars.

Dimpués d'a conquiesta mongola d'o sieglo XIII bels alanos se refuchioron con os cumans y emigroron con éls dica l'actual Moldavia (l'actual ciudat de Iaşi significa "alanos") y Hongría.

Encara quedó recuerdo d'os alanos dimpués d'a conquiesta mongola. Frai Haitón nombraba una "comarca alame" en a suya descripción d'o Reino de Cheorchia. Chuan de Mandevilla li copió este toponimo como "tierra alamo":

Enel Regno de iorgie deues orient comarca a vna grant montanya q(ue) es clamada alborc et aquí habitan muchas naçiones de gentes et por aq(ue)sto es clamada aquella comarca alame et de aq(u)i se stiende el Regno de iorgie por ocçident deues septemtrion entro ha vnas prouinçias del Regno de turquia
empues es el Regno de georgie qui comiença vers vna montaynna grant qui es clamada absor do fincan muchas diuersas gentes de diuerssas nationes et claman la tierra Alamo.

Frai Haitón tamién nombraba una rechión de Aloen que beluns han relacionato con Alania:

exçeptuado el regno de Beas, que es en Gorgie, et vna encontrada del regno de Arminia que es clamada Aloen. Aquestas dos encontradas se tuuieron contra los moros.

L'actual toponimo Darial ye literalment Dar-i-Alán ("puerta d'os alanos"), d'esta traza o "Paso de Darial" ye o "Paso d'a puerta d'os alanos".

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.