Alien 3
Alien 3 (títol orichinal, estrenada en Aragón con o suyo títol orichinal) ye una cinta de cine estausunidense de cine de terror y cine de ciencia-ficción estrenada l'anyo 1992, dirichida por David Fincher seguntes un guión adaptau por David Giler, Walter Hill y Larry Ferguson (basau en una historia de Vincent Ward, basada a la vegada en os personaches creyaus por Dan O'Bannon y Ronald Shusett ta Alien, la primera cinta d'a franquicia Alien), con una banda sonora orichinal d'Elliot Goldenthal, una dirección de fotografía d'Alex Thomson y una producción cinematografica de Gordon Carroll, David Giler y Walter Hill ta la productora cinematografica Brandywine Productions. Conta con un elenco d'actors formau por Sigourney Weaver, Charles S. Dutton, Charles Dance, Brian Glover, Ralph Brown, Paul McGann, Danny Webb, Lance Henriksen, Tom Woodruff Jr., Pete Postlethwaite, Peter Guinness, Danielle Edmond, Christopher Fairbank, Phil Davis, Vincenzo Nicoli, Leon Herbert, Niall Buggy, Hi Ching, Carl Chase, Clive Mantle y DeObia Oparei, en os suyos papels principals.
En ista tercer cinta d'a saga, contina la historia dende lo momento que remató la cinta anterior, Aliens (1986, James Cameron), y conta cómo dimpués d'albandonar a planeta ocupada por os aliens, a nau espacial padeixe un accident y plega en una planeta emplegada como garchola ta delincuents violentos masculins, estando la sola supervivient d'a nau la tenient Ripley, en haber muerto toz os atros ocupants d'a nau. Tanimientres, Ripley, en recuperar a consciencia, demana una autopsia d'o cuerpo d'a nina falleixida, en creyer que la causa d'a suya muerte puet haber estau un alien y no pas a un afogamiento como aparentment pareix. Lo medico d'a garchola la fa, y no troba cosa destacable, pero amás o director d'a garchola no creye pas lo que li conta Ripley, dica que no prencipian a disapareixer reclusos d'a garchola. Ripley, con l'aduya d'o medico y d'o líder relichioso d'os reclusos, que s'han convertiu en un grupo relichioso "sui generis", preba de destruyir a los aliens, sabendo que la companyía que ye a lo cudiau d'oo transporte interestelar y d'aa presón nomás tien intrés que en a supervivencia de l'alien, que piensa emplgar en a suya división d'armas biolochicas, y ta éls ixo ye por dencima d'a vida d'os reclusos y de Ripley.
A cinta s'amienta en una planeta ficticia en o espacio exterior en o futuro y las suyas escenas se filmoron en Northumberland y Durham (incluyindo-ie Seaham) en o Reino Uniu, amás d'os Pinewood Studios en Buckinghamshire y os 20th Century Fox Studios en Los Angeles (California, Estaus Unius).[2]
Se tracta d'una cinta que ha recibiu cuantos premios y nominacions, en destacando una nominación a los Premios Oscar en a suya 65ena edición a los Millors Efectos Visuals, y una nominación a los Premios BAFTA en a suya 46ena edición a los Millors Efectos Especials.
Elenco[3]
| Actor | Papel | Notas |
|---|---|---|
| ' |
Se veiga tamién
Referencias
- ↑ (en) Estreno d'Alien 3 en Internet Movie Database.
- ↑ (en) Localizacions d'Alien 3 en Internet Movie Database.
- ↑ (en) Alien 3 en Internet Movie Database.
Vinclos externos
| Control d'autoridaz |
|
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.