INFORMASILENGKAP.COM

Alien Resurrection
Títol	Alien Resurrection
Póster d'a cinta.
Ficha tecnica
Dirección	Jean-Pierre Jeunet
Aduyant de dirección	Susan Walter
Dirección artistica	Steve Cooper Andrew Neskoromny
Producción	Gordon Carroll David Giler Sigourney Weaver Walter Hill Bill Badalato
Disenyo de producción	Nigel Phelps
Guión adaptau	Joss Whedon
Basau en	en os personaches creyaus por Dan O'Bannon y Ronald Shusett
Musica	John Frizzell
Fotografía	Darius Khondji
Montache	Hervé Schneid
Escenografía	John M. Dwyer
Vestuario	Bob Ringwood
Casting	Richard Pagano
Actors	Sigourney Weaver Nicole Fellows Winona Ryder Dominique Pinon Ron Perlman Gary Dourdan Michael Wincott Kim Flowers Dan Hedaya J. E. Freeman Brad Dourif Raymond Cruz Leland Orser Carolyn Campbell Marlene Bush David St. James Tom Woodruff Jr.
Color	Panavision Technicolor
Datos y cifras
País(es)	Estaus Unius
Anyo	1997
Estreno	6 de noviembre de 1997 París (Francia)^[1] 20 de noviembre de 1997 Westwood (California, Estaus Unius)^[1]
Chenero(s)	Cine de terror Cine de ciencia-ficción
Durada	109 min.
Idioma(s)	Anglés
Companyías
Productora(s)	20th Century Fox Brandywine Productions
Distribución	20th Century Fox
Estudio(s)	20th Century Fox Studios
Presupuesto	70 millons de dólars
Recauto	161,4 millons de dólars
Succesión de cintas
Precedida por	Alien 3 (1992, David Fincher)
Succedida por	Prometheus (2012, Ridley Scott)
Informacions en bases de datos especializadas:

Alien Resurrection (títol orichinal en anglés, en aragonés Resurrección de l'alienichena, estrenada en Aragón con o títol d'Alien: Resurrección) ye una cinta de cine estausunidense de cine de terror y cine de ciencia-ficción estrenada l'anyo 1997, dirichida por Jean-Pierre Jeunet seguntes un guión adaptau por Joss Whedon (basau en os personaches creyaus por Dan O'Bannon y Ronald Shusett ta Alien, la primera cinta d'a franquicia Alien), con una banda sonora orichinal de John Frizzell, una dirección de fotografía de Darius Khondji y una producción cinematografica de Gordon Carroll, David Giler, Sigourney Weaver, Walter Hill y Bill Badalato ta la productoras 20th Century Fox y Brandywine Productions. Conta con un elenco d'actors formau por Sigourney Weaver, Nicole Fellows, Winona Ryder, Dominique Pinon, Ron Perlman, Gary Dourdan, Michael Wincott, Kim Flowers, Dan Hedaya, J. E. Freeman, Brad Dourif, Raymond Cruz, Leland Orser, Carolyn Campbell, Marlene Bush, David St. James y Tom Woodruff Jr., entre d'atros.

200 anyadas dimpués d'os escaicimientos narraus en Alien 3 (1992, David Fincher), a tecnolochía ha abanzau muitismo, y los militars consiguen recuperar una part de l'ADN d'a tenient Ripley, esbarranchau con l'ADN de l'alien. Dimpués de muitas prebas en una nau espacial que funciona como labroratorio secreto y clandestino, consiguen l'exito en as suyas investigacions y logran clonar a Ripley, a qui dimpués extirpan l'alien implantau en o suyo cuerpo. Tanimientres, una part de l'ADN de l'alien fa parte ya indisolublement de l'ADN de Ripley. L'alien que li han extirpau ye una reina que pone, y los huevos que pone amenistan un huespeda, asinas que lo cheneral que manda la instalación contracta a uns mercenarios ta que li subministren cuerpos humans y istos secuestran una nau espacial que tranporta los cuerpos dormius de treballadors que marchan ta terraformar una planeta, que una vegada entregaus a los militars istos fan servir como cuerpos receptors d'os huevos ta creyar una cheneración d'aliens. Tanimientres, os aliens consiguen fuyir d'o suyo encadamiento y prencipian a atacar a os militars, que mueren u fuyen d'a nau, deixando nomás que a lo chicot grupo de mercenarios y a Ripley, que han de colaborar ta sobrevivir, con l'agravant de que, en cumplimieno d'os protocolos de seguridat, a nau en que se troban éls y los aliens torna en o suyo puerto base, que no ye atro que la Tierra. Y toz saben que, si los aliens plegan en a Tierra, será lo fin d'a Humanidat.

A cinta s'ambienta en o espacio exterior en o sieglo XXIV, y las suyas escenas se filmoron en Ottawa en Ontario y en Winnipeg en Manitoba (Canadá) y en Long Beach en California (Estaus Unius), amás d'en os 20th Century Fox Studios en Los Angeles, tamién en California.^[2]

Ye una cinta que ha recibiu cuantos premios y noninacions, encara que garra d'istos premios no perteneixe a los premios cinematograficos mas destacaus.