Arrigacho

Un arrigacho

Un arrigacho[1][nota 1] u arrigachuelo[1][nota 2], tamién rianchón[1] u rigal[1], ye un curso d'augua que con o suyo cauz desaugua una val u un ret hidrografico de menor importancia que un río.

Etimolochía

I hai problemas en a interpretación d'a etimolochía d'os termins arrigacho, regacho, regallo y rigal, asinas como d'o cognato catalán regall.[2] L'orichen a partir d'o latín RIGARE u d'o suyo derivau romanz regar ye probable. A palabra regacho d'orichen mozarabe corresponde tamién a la fonetica de l'aragonés d'as comunidaz aragonesas.

En a toponimia de Canyizar de l'Olivar y La Mata de los Olmos se documenta lo microtoponimo Regalluelo. A palabra rigachuelo puede estar un derivau de regacho con o sufixo -uelo, u tamién un derivau de regallo con lo mesmo sufixo y con disimilación de laterals por eufonía.

  • Regalluelo > regachuelo / rigachuelo.

La forma con -ch- ya s'emplegaba a zaguers de lo sieglo XV en Teruel:

hun pedaçuelo de tierra en Regajuello.[3]

En a sierra de Chía i hai un microponimo con a forma apocopada pero con palatal -ll: Tuca d'el Regall de la Neu. En benasqués se documenta regal correspondient a una corrient chica d'augua que sale d'una fuent u d'a funyida d'a nieu que no plega a tener un cauz,[4] podría estar un regall u un substantivo postverbal de regalar. En tot caso, no s'ha de identificar estas formas regal y regall con unatra palabra aragonesa regal formada con lo sufixo -al.

Notas

  1. ↑ Con a variant arrigazo
  2. ↑ Con a variant rigachuelo

Referencias

  1. ↑ 1,0 1,1 1,2 1,3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
  2. ↑ (es) GARCÍA HERNÁNDEZ, Benjamín: Entre homonimia y polisemia. La identificación del significante y la definición de los significados. Publicau en Cuadernos del Instituto de Historia de la Lengua, ISSN 1889-0709, Nº. 5, 2010, pp. 51-88.
  3. ↑ (es) TERRADO PABLO, Javier: La lengua de Teruel a fines de la Edat Media. Instituto de Estudios Turolenses, 1991. p 278.
  4. ↑ (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978.


Cuerpos d'augua continental
Corrient Arrigacho · Galocha · Río · Torrent (Barranco · Garona · Rambla)
Aturada Laco · Lacuna u Estanyo (albufera · ibón · salada) · Paúl · Marisma · Basa

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.