Equus
- Iste articlo ye sobre un chenero de mamiferos; ta atros usos, se veiga Equus (desambigación).
| Equus | |
|---|---|
 | |
| Clasificación cientifica | |
| Eukaryota | |
| Animalia | |
Filo:
|
Chordata |
| Mammalia | |
| Perissodactyla | |
| Equidae | |
| Equus | |
| Descripción | |
Equus ye un chenero de mamiferos herbivoros en a orden Perissodactyla, lo solo chenero que existe en l'actualidat a drento d'a familia Equidae (os equidos), dimpuesas que la mes gran parte d'os taxons que yeran compresos en a dita familia taxonomica s'estinguisen en o periodo Pleistoceno.
Lo chenero Equus comprende en l'actualidat tanto las especies y subspecies[1][nota 1] de caballos vivas, como las diferents especies de somers domesticos y salvaches, y lo grupo parafiletico que composan as ditas zebras. Tamién se i clasifican altros animals en l'actualidat extinguitos, como l'encebro (natural d'a Peninsula Iberica encara en tiempos historicos) u lo caballo tarpán. Cualcunas d'as especies se son feitas domesticas dende antigos, especialment Equus caballus (lo caballo) y Equus asinus (lo somer), y per ixo mos son datas cualques variedaz u razas de selección que no s'han d'entivocar pas con especies diferents.
La caracteristica mes prencipal d'o chenero Equus en comparanza con a resta de cheneros extinguitos d'equidos ye la persistencia d'un solo dido per piet y man a on que i refirman tot lo peso, existindo-ie en a pata rudimentos d'a resta de didos que en grupos d'equidos mes antigos encara persistiban. De regular, ixes rudimentos no son mica visibles en l'animal vivo, y se saben só que per las restas esqueleticas. Los equinos tienen tamien o pelache curto y espeso que puede tener variabilidat en pendendo d'a estación de l'anyo, estando la coloración natural d'ixe pelache con rayas, anque ixa carateristica no ye visible si que en as zebras, pos queda encriptato en as altras menas de coloración en caballos y somers. De regular, a demés, totas las especies presentan clinera que les recorre lo cuello dende la clavera dica los huembros.
Tienen d'entre 36 y 42 dients, y las dients se distribuyen en multiplos d'a formula I = 3/3 (3 incisivas per barra), C = 0-1/0-1 (caninas, que puet haber-ne u no), P = 3-4/3-4 (3 u 4 premolars per barra) y M = 3/3 (siempre 3 molars per barra). As dients caninas no apareixen de normal si que en os masclos.
Especies
- Chenero Equus
- Subchenero Equus (caballos)
- Equus caballus - caballo domestico
- Equus ferus - caballo salvache
- Equus ferus ferus † - tarpán
- Equus ferus przewalskii - caballo de Przewalski (tamien dito Equus caballus przewalskii)
- Subchenero Asinus (somers)
- Equus africanus - somer salvache africano
- Equus africanus africanus - somer salvache de Nubia
- Equus africanus atlanticus † - somer salvache de l'Atlas
- Equus africanus somalicus - somer salvache de Somalia
- Equus africanus asinus - somer domestico, mes a sobén dito Equus asinus.
- Equus hydruntinus † - encebro
- Equus hemionus - onagre u ciervo-masclo
- Equus hemionus hemionus - somer salvache de Mongolia
- Equus hemionus hemippus † - somer salvache de Siria
- Equus hemionus luteus - somer salvache d'o disierto de Gobi u dziggetai
- Equus hemionus kulan - somer salvache de Turkmenistán
- Equus hemionus khur - somer salvache d'a India
- Equus hemionus onager - onagre de Persia
- Equus kiang - kiang (contemplato bellas vegatas como subspecie de Equus hemionus)
- Equus kiang kiang - kiang occidental
- Equus kiang holdereri - kiang oriental
- Equus kiang polyodon - kiang meridional
- Equus kiang chu - kiang septentrional
- Equus cumminsii † - somer de Cummins
- Equus calobatus † - onagre de patas luengas
- Equus tau † - onagre pigmeu
- Equus lambei † - somer u caballo salvache de Yukon
- Equus africanus - somer salvache africano
- Subchenero Dolichohippus
- Equus grevyi - zebra de Grevy
- Subchenero Hippotigris
- Equus quagga - zebra común u zebra d'as planuras
- Equus quagga quagga † - cuaga
- Equus quagga burchellii - zebra de Burchell
- Equus quagga boehmi - zebra de Grant
- Equus quagga borensis - zebra de Selous
- Equus quagga chapmani - zebra de Chapman
- Equus quagga crawshayi - zebra de Crawshay
- Equus zebra - zebra de montanya
- Equus zebra zebra zebra de montanya d'o Cabo
- Equus zebra hartmannae - zebra de montanya de Hartmann
- Equus quagga - zebra común u zebra d'as planuras
- Subchenero Amerhippus †
- Equus scotti †
- Equus niobrarensis †
- Equus conversidens †
- Subgénro Parastylidequus †
- Equus parastylidens † - caballo de Mooser
- «incertae sedis»
- Equus simplicidens † - caballo de Hagerman (talment mes amanato a Dolichohippus)[2]
- Equus occidentalis †
- Equus complicatus †
- Equus fraternus †
- Equus excelsus † (con dandalos que no s'hese de clasificar en o subchenero Equus)
- Grupo Equus giganteus †
- Subchenero Equus (caballos)
Se veiga tamién
Notas
Referencias
- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Hagerman Fossil Beds National Monument, pachina web d'o chacimiento d'equins, consultata lo 11 de noviembre de 2009.
Vinclos externos
Wikispecies tiene un articlo sobre Equus.
Se veigan as imáchens de Commons sobre o chenero Equus.
| Control d'autoridaz |
|
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.