Royal

Olivera royal en os chardins d'o monesterio de Santa María de Veruela.

A royal ye una variedat d'olivera propia d'a Sierra de Cazorla, provincia de Chaén (Espanya), orichinaria d'ista rechión. Ista variedat se destina a la producción d'aceite d'oliva virchen extra.[1][2][3][4]

Extensión

A olivera d'a variedat royal s'estendilla mas que mas por as localidaz d'a comarca d'a Sierra de Cazorla, en especial por os termins municipals de La Iruela, Cazorla y Quesada. Tamién se troba, en menor mida, en a comarca de Las Villas y en a de Sierra de Segura. Ye una variedat rustica muit bien adaptada a terrenos de montanya con altarias meyas de 800 metros, con hibiernos fríos y resistencia a la sequera.[4][2][3]

Producción

Oliva royal en a olivera en Veruela.

A producción d'aceite de oliva virchen extra d'a variedat royal representa o 5 % d'a producción total mundial d'AOVE, lo que la fa una variedat muit exclusiva.[4] A practica totalidat d'a producción d'AOVE royal dentra en a Denominación d'Orichen Sierra de Cazorla.[3]

En Aragón ye una variedat segundaria en l'aceite d'o Baixo Aragón, representando una proporción de no mas d'un 20%, y en l'aceite Sierra de Moncayo, a on se troba como maximo en un 5%.

Caracteristicas de l'aceite

A variedat royal ha pasau d'estar una oliva que se replegaba tardanament, en os meses de febrero y marzo debiu a la suya resistencia a o desprendimiento, a estar estimada como una variedat que produz grans aceites tempranas. Presenta una color verda intensa, muit afruitada, fresca, a on dominan as aromas a almendreta, platano, hierba y manzana. L'amargo, en contraposición a la variedat picual con a que comparte os campos en a Sierra de Cazorla, ye muit baixo, variando a intensidat d'o picant d'unas cullitas a un atras. As aceites mas tardanas d'a royal se caracterizan por un afruitau mas sinyalero, con toques de vainilla, fruitas maduras, figos ixutos... Presenta grans cantidaz de vitamina E, polifenols y ácidos grasos monoinsaturados, lo que contribuye a la protezión celular y a la salut cardiovascular.[4][3][1][2]

Uso culinario

L'aceite royal ye ideal ta consumir-lo en crudo, en tostadetas, ensaladas, salmorejos u gazpachos. Tamién marida bien con pescaus azuls, mesmo a lo furno que en escabeche, por la suya sabor suau y afruitada con luchera amargor y picant casi inapreciable.[4]

Futuro d'a variedat

As oliveras d'a variedat royal sofrioron en as pasadas decadas un gran retacule en numero en favor d'a variedat picual, mas productiva y con mayor rendimiento graso, y por tanto mas rentable, dica deixar-la en una posición minoritaria. Ixa regresión d'a variedat royal ya s'ha aturau en l'actualidat, en estimar-se muito mas a gran calidat d'as suyas aceites tempranas, afruitadas y lucherament amargas, y en haber apuyau en os productors y consumidors os conoiximientos y cultura de l'aceite d'oliva virchen extra. Actualment se presentan en o mercau gran cantidat d'AOVEs tempranas d'a variedat royal de gama prémium, ye decir, con mayor valura anyadida.[3][1][2]

Se veiga tamién

Referencias

  1. ↑ 1,0 1,1 1,2 (es) AOVE ROYAL, nuevo monovarietal de OLEÍCOLA JAÉN, en Oleícola Jaén, 27 d'octubre de 2016.
  2. ↑ 2,0 2,1 2,2 2,3 (es) Variedad de olivo royal, en Agraria Olearum.
  3. ↑ 3,0 3,1 3,2 3,3 3,4 (es) Variedades del Aceite de Oliva Virgen Extra: Royal. Rafael Flores, 2019.
  4. ↑ 4,0 4,1 4,2 4,3 4,4 (es) Aceite Royal, en Aceite del Campo.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.