Testudines
Diferents especies
Denominacions populars
testudinios, quelonios
Clasificación cientifica
Dominio:	Eukaryota
Reino:	Animalia
Subreino:	Eumetazoa
Filo:	Chordata
Subfilo:	Vertebrata
Superclase:	Tetrapoda
Clase:	Reptilia
Subclase:	Diapsida
Orden:	Testudines
Subórdens
Subórdens de Testudines Cryptodira Pleurodira Paracryptodira† Proganochelydia†

Os testudinios^[1] (nombre cientifico Testudines) u quelonios^[1] (antes Chelonia) son una órden de reptils caracterizaus por o feito de tener un tronco amplo y curto, protechiu por una coscarana feita por un regular por placas osias revestidas de placas cornias, y a vegadas nomás que por placas cornias. Se gosan conoixer popularment como tartugas^{[1][2][nota 1]} (d'o latín < tartarūchus "diaple").

D'a coscarana salen, por debant, a cabeza y as patas anteriors, y por dezaga, as patas posteriors y a coda. I hai tartugas que tienen a coscarana dividida en dos partes, la uno dorsal u superior y la otro ventral u inferior, unidas entre ellas.

La caracteristica mas important d'o escleto d'as tartugas ye que a columna vertebral ye soldada en a parte dorsal d'a coscarana. A la vegada que se desarrolla lo plastron, desapareixe la espineta u esternón.^[3] O escleto fa que a respiración no se pueda fer por movimiento d'a caixa toracica, y se leva a termin prencipalment por l'acción d'as extremidaz.

O cranio presenta caracteristicas muit primitivas. No en tiene, de dients, pero sí una variella esmolada, semellant a un pico.

A reproducción ye ovipara y a incubación la fa a radiación solar.

Ye proverbial a gran lonchevidat d'as tartugas. Bella especie puede vivir mas de 100 anyos.

En i hai que son de tierra y en i hai d'augua, marinas u d'augua dolza. As marinas tienen as extremidaz transformadas en aletas y as acuaticas os didos unius por un telo.

As tartugas s'agrupan seguntes as siguients sinapomorfías:

• Dermatocranio (teito dermico) sin finestras.
• Tienen placas osias exteriors.
• No tienen espineta ni parte esternal d'as costiellas.^[3]
• Ausencia d'elementos dermicos en a cintura escapular.
• Musclos adicionals t'alentar.
• Masclo con pene impar.

As tartugas (orden testudines) se subdividen en cuatro subórdens, dos d'éls ya extintos:

Suborden Paracryptodira †.

Suborden Proganochelydia †.

Suborden Cryptodira:

• Familia Chelydridae.
• Familia Meiolaniidae (Meyolania, †.

• Superfamilia Chelonioidea (Tartugas marinas):

• Familia Protostegidae †.
• Familia Thalassemyidae †.
• Familia Toxochelyidae †.
• Familia Cheloniidae (tartugas verdas y semellants).
• Familia Dermochelyidae.

• Superfamilia Kinosternoidea:

• Familia Dermatemydidae (tartugas de río)
• Familia Kinosternidae.
• Familia Platysternidae.

• Superfamilia Testudinoidea:

• Familia Haichemydidae †.
• Familia Lindholmemydidae †.
• Familia Sinochelyidae †.
• Familia Emydidae a ista familia perteneixe Emys orbicularis un galapago autoctono d'Aragón y tamién o galapago de Florida u tartuga d'orellas royas (Trachemys scripta), que i ye tamién muit común como animal de companyía.
• Familia Geoemydidae a ista familia perteneixe Mauremys leprosa un galapago autoctono d'Aragón.
• Familia Testudinidae como a tartuga d'os Galapagos.

• Superfamilia Trionychoidea:

• Familia Adocidae †.
• Familia Carettochelyidae.
• Familia Trionychidae.

Suborden Pleurodira:

• Familia Araripemydidae †.
• Familia Proterochersidae †.
• Familia Chelidae.

• Superfamilia Pelomedusoidea:

• Familia Bothremydidae †.
• Familia Pelomedusidae.
• Familia Podocnemididae.

† Clade extinto.

A tartuga ye l'animal d'a lentitut por excelencia en as fablas y satiras occidentals (ilustración d'o prencipio festina lente). Manimenos en a part de China simboliza o saber, a inmortalidat y a tierra.

Emitando a suya coscarana, os romanos clamaban tartuga a una formación defensiva an que toz os escudos cobriban por dencima a os soldaus. Por extensión, una maquina de seche medieval tamién se pasó a decir tartuga.

En a ficción destacan as Tartugas Ninja y o Follet Tartuga (de Bola de Dragón) en debuixos animaus. Terry Pratchett ubica tot o suyo mundo sobre una coscarana de tartuga. Os enemigos d'os videochuegos de Mario Bros (Koopa Tropa y similars) son tartugas antropomorfas.

1. ↑ Con a variant tortuga

• Emydidae.
• Espata u galapago europeu (Emys orbicularis).
• Tartuga mediterrania (Testudo hermanni).
• Tartuga griega (Testudo graeca).
• Tartuga chigant d'as Galapagos (Geochelone nigra).
• Tartuga verda marina (Chelonia mydas).

• Se veigan as imáchens de Commons sobre tartugas.