Bellatrix

Ficha d'oxetu celesteBellatrix
suspected variable[1], Estrella doble óptica[2], estrella de navegación[3], near-infrared source (en) Traducir[4], ultraviolet source (en) Traducir[4], estrella binaria, double star y estrella
Datos d'observación
Ascensión reuta (α) 81,282763557 °[5]
Declinación (δ) 6,349703264 °[5]
Distancia a la Tierra 121 pc
Magnitú aparente (V) 1,64 (banda V)
Magnitú absoluta −2,8
Constelación Orión
Velocidá de rotación 53 km/s[8]
Velocidá radial 350,42 km/s[9]
Parallax 12,92 mas[5]
Carauterístiques físiques
Radiu 6 Radius solars
Masa 8,4 M☉
Gravedá superficial 6000 cm/s²[9]
Tipu espectral B2V[10]
Otros nomes
Cambiar los datos en Wikidata

Bellatrix (Gamma Orionis / γ Ori / 24 Ori / HIP 25336) ye la tercera estrella más brillosa de la constelación d'Orión con magnitú aparente +1,64;[11] define'l «costazu esquierdu» del míticu cazador.

Nome

El nome de Bellatrix, la Estrella Amazona, remanez del llatín y significa «la guerrera»; de la mesma esta pallabra vien de la traducción del árabe medieval Al Najid, «el conquistador».

Nel Éufrates, xunto a Betelgeuse (α Orionis) y Meissa (λ Orionis), Bellatrix yera Kakkab Sar, «la Constelación del Rei», o Ungal, qu'abarruntaba fortuna, honores marciales, riqueza y otros atributos reales.[12]

Carauterístiques físiques

Comparanza ente'l tamañu de Bellatrix, Algol B y el del Sol.

Bellatrix ye una superxigante azul caliente de tipu espectral B2III -una de les estrelles más calientes que pueden vese a güeyu- con una temperatura superficial de 21.500 K, non bien distinta a Espiga (α Virginis) o Adhara (ε Canis Majoris). La so lluminosidá, incluyida una importante cantidá de radiación emitida nel ultravioleta, ye 6400 vegaes mayor que la solar.[13]

Clasificada como xigante, el so diámetru actual -llográu a partir de la midida del so diámetru angular- ye 5,7 vegaes mayor que la solar, pero nunos millones d'años va convertise nuna superxigante naranxa muncho más grande. Ello ye que yá desenvolvió una envoltura gaseosa como primer pasu nel so tresformamientu.[14] Con una masa unu 8 o 9 vegaes mayor que la solar, probablemente va concluyir los sos díes como nana blanca.[13]

Bellatrix usóse como estándar de lluminosidá pa comparar la variabilidá llumínica d'otres estrelles, hasta que s'afayó que ye una estrella variable de tipu eruptiva; el so rellumu varia ente +1,59 y +1,64 magnitúes. Alcuéntrase a 240 años lluz del Sistema Solar.

Ver tamién

Referencies

  1. ↑ Afirmao en: New Catalogue of Suspected Variable Stars.
  2. ↑ Afirmao en: Washington Double Star Catalog.
  3. ↑ URL de la referencia: https://thenauticalalmanac.com/TNARegular/1981_Nautical_Almanac.pdf.
  4. ↑ 4,0 4,1 Afirmao en: SIMBAD. Llingua de la obra o nome: inglés.
  5. ↑ 5,0 5,1 5,2 Floor van Leeuwen (marzu 2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  6. ↑ «The interstellar Ca II distance scale» (n'inglés). Astronomy and Astrophysics (2):  páxs. 833–840. 15 setiembre 2009. doi:10.1051/0004-6361/20079144. 
  7. ↑ «VizieR Online Data Catalog: Stellar Photometry in Johnson's 11-color system (Ducati, 2002)» (n'inglés). VizieR Online Data Catalog. 2002. 
  8. ↑ Norberto Castro (19 avientu 2016). «The IACOB project. III. New observational clues to understand macroturbulent broadening in massive O- and B-type stars» (n'inglés). Astronomy and Astrophysics. doi:10.1051/0004-6361/201628541. 
  9. ↑ 9,0 9,1 David Latham (xineru 2008). «Rotational and Radial Velocities for a Sample of 761 HIPPARCOS Giants and the Role of Binarity» (n'inglés). The Astronomical Journal (1):  páxs. 209-231. doi:10.1088/0004-6256/135/1/209. 
  10. ↑ «Spectroscopic analysis of southern B and Be stars» (n'inglés). Monthly Notices of the Royal Astronomical Society (1):  páxs. 252–262. 1r agostu 2006. doi:10.1111/J.1365-2966.2006.10655.X. 
  11. ↑ Bellatrix (SIMBAD)
  12. ↑ Bellatrix (The Fixed Stars)
  13. ↑ 13,0 13,1 «Bellatrix (Stars, Jim Kaler)». Archiváu dende l'orixinal, el 2008-12-10.
  14. ↑ «Bellatrix (eSky)». Archiváu dende l'orixinal, el 2010-06-23.


Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.