Collía
Alministración
País	España
Autonomía	Principáu d'Asturies
Provincia	provincia d'Asturies
Conceyu	Parres
Parroquia	Santitomás
Partíu xudicial	Cangues d'Onís
Tipu d'entidá	llugar[1]
Nome oficial	Collía (ast)[2]
Xeografía
Coordenaes	43°24′30″N 5°11′32″W / 43.40825416°N 5.19235272°O / 43.40825416; -5.19235272
Collía Collía (Asturies)
Altitú	155 m
Demografía
Población	87 hab. (2017)
Porcentaxe	30.31% de Santitomás
Viviendes	61 (2017)

Collía^[3] ye un llugar^[4] de la parroquia de Santitomás, nel conceyu asturianu de Parres.

Aldeina asitiada a 2 km de la capital del conceyu de Parres, tien una población de 87 habitantes (2017)^[5], siendo asina'l nucleu de población más grande de tola parroquia. Collía divídese tradicionalmente nún puñáu de "barrios" que tolos sos vecinos conocen pel nome y empleguen pa orientase: La Quintana Arriba, La Quintana Abaxu, La Xerriquina, El Barrosu, El Barrosín, El Campón, El Valsiñeru, La Ería, Treslería, El Valle, Tranciella, La Piedra, La Cabaña l'Escribanu y El Pandal.

La economía del pueblu basóse tradicional y fundamentalmente na cría de ganáu (vaques y gochos) y na agricultura (maíz, patates, cebolles y berces, mayoritariamente).

Poema recitáu por Ana Azucena Ramos Pando (1921-2006), vecina de Collía. N'alcordanza.

-Adiós tú! Non cuerras tantu! -Déxame, vo pa la escuela,

que si tardo un pocu más va reñime la maestra,

que siempre está predicando sobre eso de l'asistencia,

que vayamos más a tiempu, que perdiamos la pereza.

Ya m'está cansando a mi
siempre col mesmu tema!

-Fai bien en reñievos, y tien razón qu'arrebienta.

Y non me chocaria nada
que garrara una civiella

y asina, mun suavemente,
vos rompiera una costiella.

-Bueno! Tu estás tocha?
Que somos males
ya lo sabe la maestra,

y puede dar gracies a Dios que-y damos tiempu
pa ejercitar la paciencia!

-Bueno, bueno: ¿y qué tal per casa? ¿tuviestes buena cosecha?

-De cosecha esti añu mal! ¿Entós tu non t'acuerdas

cuando per Santiago vino
aquella nube de piedra

que mio hermanu metiose en fornu
y yo debaxu una masera?

Carme y Antón daben voces
porque-yos rompía la teya,

y Leandro y les rapaces,
qu'estaben enun prau a herba,

baxaren pa La Retoral y metiérense ena bodega.

Y les de La Casona
toes escaparen pa la iglesia

a pedir al Padre Dios
que cesara la tormenta.

Los maizales de Collía
cayeren todos a tierra.

Con aquelles pedriscones
non quedó una faba tiesa.

Nin Fabes, nin patates, nin cebolles:
nada quedó pela tierra!

Y tovía tú mi preguntes que si tuvimos cosecha.