Marezina
Tanacetum parthenium  | |
|---|---|
 | |
| Dati | |
| Fonte de | Tanaceto (Matricale) parti aeree (it)  |
| Tasonomia | |
| Regno | Plantae |
| Órdene | Asterales |
| Fameja | Asteraceae |
| Tribù | Anthemideae |
| Zènare | Tanacetum |
| Spece | Tanacetum parthenium Sch.Bip., 1844 |
| Nomenclatura | |
| Basònemo | Matricaria parthenium |
La marexina[1] ła xe na pianta (nome sientifego Tanacetum parthenium) de ła fameja de łe Compositae o Asteraceae. In inglese ła se ciama feverfew, in todesco Mutterkraut, in italian matricale o partenio. Ła xe na pianta erbàsea perene, on mucio aromàtega al strucarse, ga foje de contorno ełìtego, fin a 8 cm de łonghesa. Ła se uxa par redure fiebre (varda el nome inglese), tratar dołor de suca, artriti, problemi dijestivi. Na volta ła se doparava par i dolori de łe mestruasion (da qua el nome in todesco e in italian). Rexentemente ła se ga utilixà par ła cura de ła pełe.
Ła vive specie in alta cołina; conosuda e doparà in cuxina in Val Cianpo e Valdagno, inte el Vixentin, ma anca inte el Veronexe, sui Lesini e in pianura.
Doparasion gastronòmega
Frìtołe co ła marexìna
Pareciare na pasteła de farina bianca, late, aqua, sałe e na s-cianta de sucaro. Fate łe fritołe, łe se fa desfrizare meténdoghe sora, tajà a toketi, una o do foje de maresìna su ogni fritoła xa inte el ojo de bojo. Se tira fora łe fritołe, łe se fa sgiosare e sugare su na carta asorbente. Se pol butarghe sora un poco de sucaro semołado e łe se magna subito finke łe xe calde.
Dolse a ła marexina
Ghe vol: 120 g de sucaro semołà, 100 g de fecoła de patate, 10-12 foje freske trità de maresìna, 3 ovi intieri, 50 g de buro, 2 cuciari de graspa, ła scorsa xała gratà de 1 limon, 1 cuciarin de lievito in polvere par dolxi. Mis-ciar ben el sucaro col buro e i rosi dei ovi, xontarghe ła fecoła de patate, ła graspa, el limon e łe foje de maresìna trità. Sbatere łe 3 ciare de ovo e xontarle al paston; a ła fin meterghe anca el lievito e versare in na forma da forno e cuxinare a 200° par mexora.
Bìgoli co ła marexina
Far infiapare pian pian in ojo de oliva veneto tanta séola e scałogno tajà a fetełe fin fine, xontarghe qualke giosa de axedo de vin bianco, un mestoło de brodo de połastro e bagnar col vin Dureło. Far bojere par mexora e dopo xontarghe raquante foje de maresìna e qualke toketo de sarda sałada, lasar cuxinar oncora par pochi minuti e dopo pasar tuto pal pasaverdure col disco pi fino. Se buta sta salsa sui bigoli e se ghe grata sora formajo Aziago d'ałevo.
Notasion
- ↑ sevente altre varianse e grafie anca marezina
Wikimedia Commons el detien imàjini o altri file so Maresina
Wikispecies el detien informasion so Maresina
el detien schemi gràfeghi so
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.