Hi Manuel Francisco dos Santos (Oktubre 28, 1933 – Enero 20, 1983), nga kilalado ha agnay nga "Garrincha" (Pinortuges nga pagluwas: [gar:ĩ´ʃa],[1] "gutiay nga tamsi"),[2] usá nga futbolista nga right winger ngan forward nga nakabulig han Brasil nga nasodnon nga team ha pagdaog han mga Kopa han Kalibutan han 1958 ngan 1962. Nagmulay hiyá han dako nga bahin han iya propesyonal nga karera para han Brasilenyo nga klubo Botafogo.
An pulong nga garrincha ngahaw nangangahulogán hin gutiay nga tamsi.[3] Tinatáwag gihapon hi Garrincha nga Mané (halípot para han Manuel) han iya mga kasangkayan.[4] An pagdúgtong nga "Mané Garrincha" agsob gamiton ha mga fan ha Brasil. Tungod han iya duro ka pagkasikat ha Brasil, tináwag gihapon hiya nga Alegria do Povo (Kalipay han Katawhan) ngan Anjo de Pernas Tortas (Anghel nga mayda Paa nga Baliko).[5]
Ginkikitâ hiya nga usá han mga gimaupayi nga paragdríbol ha kaagi han futbol.[6] Dida han Estádio do Maracanã an ginliliwanán nga sulod han mga tagbalay tinatáwag nga 'Garrincha', samtang an ginliliwanán nga sulod han mga bisita nga team tinatáwag nga 'Pelé'
Mga kasarigan