An Pasaka Festival in usa nga selebrasyon nga ginsasalin-urog ha bungto han Tanauan ha probinsya han Leyte ha ika-14 han Agosto ha kada-tuig.[1] An Pasaka Fastival in ginseselebrar pinaagi han usa nga pasundayag han magkadurudilain nga mga eskwelahan ha bungto han Tanauan, para han pag pasalamat han patrona han Bugto "The Assumption of our Lady" ngan ngadto han makagarahom nga Sto. Nino nga patrono han Leyte. An Pasaka Festival an anay nga nangangaglawas han probinsya han Leyte ha Aliwan Festival.
Bungto han Tanauan
An ngaran nga Tanauan in kinuha gikan han hataas nga puno. Han una nga panahon, ini nga puno an ginamit han mga mulopyo han bungto para pagbantay kun may tiarabot nga pirata ha ira bungto. An puno kay usa nga Molave nga ginamit han mga mulopyo nga taran-awan o tan-awan nga di maiha in nahimo na nga "Tanauan.[2]
Panuyuanan
An Pasaka Festival in tinikangan han tuig 1991 para pagpasalamat han mga kaupayan nga nadawat han katawhan ha sulod han usa nga tuig. Ginsasalin-urog gihap an Pasaka Festival para pagpasalamat han patona han bungto nga hi Our Lady of Assumption. Kinuha an ngaran nga Pasaka nga pulong nga winaray nga an karuyag signgon kay pag-imbitar han kauswagan, kaupayan han lawas, ngan swerte para ha mga mulopyo ha masunod nga tuig.[3] Iguin hahambog han Pasaka Festival an mga primarya nga industriya ha bungto han Tanauan sugad han pag-uma, pag-himo hin banig, ngan an iya mga rekurso nga nakukuha ha dagat. [4]
Mga Pasundayag ha Nasod
An Pasaka Festival an nangaglawas han probinsya han Leyte ha Aliwan Festival ngadto ha siyudad han Pasay han tuig 2010 ngan nakuha liwat an ikaduha nga premyo hadton tuig 2004. An Pasaka Festival an dumaog han Kasadyaan Festival hadton tuig 2016
Mga Ginkuhaan
- ↑ https://www.philippinesinsider.com/visayas/leyte/leyte-festivals-and-events/
- ↑ http://www.choosephilippines.com/do/festivals/4539/tanauan-pasaka-festival-2016
- ↑ https://rmaceda.wordpress.com/2013/08/22/pasaka-festival/
- ↑ http://www.choosephilippines.com/do/festivals/4539/tanauan-pasaka-festival-2016