An Unibersidad han Pilipinas, (Filipino: Unibersidad ng Pilipinas; English: University of the Philippines) kaurugan ginpapahalipot hin U.P. in nasodnon nga unibersidad han Pilipinas. Gintindog ha 1908 pinaagi ha Buhat No. 1870 han Syahan nga Lehislatura han Pilipinas, nga kilala nga an "Buhat Unibersidad" nga may otoridad han Estados Uniods, an Unibersidad ha yana nga takna in naghahatag hin gidadamoi nga ihap hin taramdan hin kurso ha nasod. An Resolusyon Senado Ihap 276 han Senado han Pilipinas in nagdudungog han Unibersidad komo "an kanan nasod labaw nga unibersidad".
Pito (7) ha napulo kag lima (15) nga mga Mangulo han Pilipinas in nag-atender hin kurso ha Unibersidad kun diri ngani komo mga ilarom-ha-gradwar o komo mga kahuman-nga-gradwar nga mag-aaram, samtang 12 ha Puno nga Mahistrado han Labaw nga Hukmanan, 35 ha 57 nga Nasodnon nga Artista ngan 34 ha 35 nga mga Nasodnon nga Syentipiko in nahisusumpay ha Unibersidad.
An U.P. in may-ada pinakadamo nga mga Nasodnon nga Namumutnga hin Pagkamaupay ngan Pagpadukwag ha mga insituto hin hiruhitaas nga pag-aram ha nasod ngan usa ha tulo la nga mga aradman ha Asya nga nakakarawat hin pan-instituto nga dungog ha mga Pasidungog Ramon Magsaysay.
An U.P. in bahin nga ginsusustentuhan han Punuan Pilipinas. An mga mag-aaram han unibersidad ngan iya mga gradwar in gintutudlok ngadto komo "[Mga] Iskolar ng Bayan" ("Mga Iskolar han Nasod").
An tigaman han U.P. amo an Oblasyon. Ini in hitsura hin hubo nga tawo, nga it kamot nakadupa ngan an nawong nakahangad. An Oblasyon in nakabase ha ikaduha nga estansa han Mi Ultimo Adios ni Jose Rizal.
An tuig 2008 in ginproklama komo "U.P. Gatosnon nga Tuig" ngan an mga katuigan 1998-2008 komo an "Dekada han Unibersidad han Pilipinas." An Sistema han U.P. in ginraranggo komo pinakaigbaw nga unibersidad han nasod han QS Mga pagraranggo han Unibersidad han Kalibutan.
Mga Sumpay ha Gawas